“Unë i neveris…” Audiopërgjimi i Veliajt, Rama reagon për herë të parë dhe zbulon vendimin që ka marrë

Kryeministri Edi Rama ka publikuar sot pyetjet e rradhës së pyetësorit të Këshillit Kombëtar që do ti përgjigjen të gjithë qytetarët shqiptarë.

Ndërkohë në këtë postim, një komentues e ka pyetur kreun e qeverisë në lidhje me audio-përgjimin që po qarkullon për kryetarin e Bashkisë së Tiranës, Erion Veliaj.

Pas pyetjes provokuese të qytetarit, Rama jep një përgjigje të prerë.

“Une i neveris pergjimet e bisedave mes njerezve qe flasin ne nje mjedis jopublik, te cilat sipas meje nuk mund te merren per baze asnjehere askund, as si prova fajesie as si prova vertetesie, sepse tjeter konteksti i nje komunikimi informal pa dorashka, tjeter konteksti i shfaqjes publike se nje pergjimi, prandaj edhe as nuk e kam degjuar fare dhe as kam ndermend ta degjoj, keshtu qe meqe te dhashe tere kete shpjegim tani te lutem plotesoje pyetesorin me opinionet e tua duke klikuar https://keshillimikombetar.al/”, i përgjigjet kryeministri Edi Rama.