U njohën online/ Mësuesi gjerman e v ret dhe i ha trupin, dënohet me burgim të përjetshëm

Horror i vërtetë ajo që ka ndodhur në Gjermani, ku një mësues vrau dhe hëngri një person që njohu në internet. Ai ka marrë dënimin me burgim të përjetshëm.

Stefan R, vrau një mekanik 43-vjeçar më 5 shtator 2020, përpara se ta copëtonte trupin e viktimës së tij dhe të shpërndante pjesë të tij nëpër vende të ndryshme në Berlin.

Mësuesi 42-vjeçar i matematikës kishte folur me njerëzit në forumet e internetit për kanibalizmin në muajt para vrasjes.

Sipas hetuesve, ai dhe viktima e tij u takuan në një faqe takimesh dhe ranë dakord të takoheshin për seks në banesën e mësuesit.

Sipas policisë pasi e ka qetësuar burrin me drogë, 43-vjeçari i ka prerë fytin, përpara se t’i presë organet gjenitale për t’i ngrënë ato.

Policia kaloi javë të tëra në kërkim të mekanikut, nëna e të cilit e raportoi atë të zhdukur, përpara se një shëtitës qensh të gjente femurin e tij në një pyll në kryeqytetin gjerman atë nëntor.

Kaq mjaftoi që policia gjermane të niste hetimet dhe të zbulonte të gjithë të vërtetën.shqip