Trito li në shtëpinë e Armand Dukës, reagon policia e Durrësit: Ja si ndodhi ngjarja

Policia e Durrësit ka reaguar pasi iu vendos tritol banesës së kreut të FSHF Armand Duka.

Në një njoftim paraprak për ngjarjen policia thotë se tritoli u vendos para portës së banesës dhe se si pasojë e shpërthimit janë shkaktuar vetëm dëme materiale në portën e jashtme të banesës.

Njoftimi i policisë

Më datë 24.01.2022, rreth orës 22:10, në lagjen nr. 4, Durrës, para portës së shtetasit A. D. dyshohet se ka shpërthyer një sasi lënde plasëse. Si pasojë e shpërthimit janë shkaktuar vetëm dëme materiale në portën e jashtme të banesës.

Grupi hetimor ndodhet në vendngjarje dhe po punon për sqarimin e rrethanave të ngjarjes.