LIGJET E BIZNESIT
Ish-deputeti i larguar nga Partia Demokratike, Myslim Murrizi është kallëzuar në prokurori nga Policia e Shtetit, pasi akuzohet se ka fshehur të ardhurat dhe ka kryer transaksione të dyshimta financiare.
Ish-nënkryetari i Kuvendit sipas shkresë së Policisë së Shtetit është aksioner në disa kompani të ndryshme, ndërkohë që figuron të ketë blerë dhe 50% të aksioneve të një televizioni privat.
Na materialin e siguruar theksohet se Murrizi ka kryer një sërë shitjes së pronave të luajtshme dhe të paluajtshme, ndërkohë që ka përfituar si dividend 515 mijë euro nga një universitet privat.
Po ashtu policia thekson se Murrizi nuk ka deklaruar një transaksion prej 60 mijë eurosh, që ka kaluar në bankë nga shoqëria ‘Murrizi 2009’ në llogarinë e tij.
“Evidentohet se burimi kryesor i të ardhurave të shtetasit Myslim Murrizi kanë qenë punësimi (në total 7,270,227 Lekë), shitja e pasurive të luajtshme (45,000 Euro) dhe të paluajtshme (ne total 10,178,000 Leke), to ardhurat nga aktiviteti privat (mes ti cilave nga subjekti Justiniani 1 ka përfituar dividend në vlerën 515,000 Euro si dhe një kredi që shtetasi ka marre (në vlerën 2.500,000 Leke).
Evidentojmë se shuma 60,000 Euro që shoqëria “Murrizi 2009” shpk ka kaluar si kthim kontributi për ortakun në llogari të Myslim Murrizit tek banka “UNION” në tetor 2019, nuk duket se është deklaruar në ILDKPKI.”, thuhet në shkresën e siguruar nga Panorama.al.
Po ashtu në dokumentin e policisë theksohet se Murrizi ka blerë aksionet e Tv-Blu dhe ka paguar 100 mijë euro cash para noterit.
TRANSAKSIONET E MYSLIM MURRIZIT DHE FAMILJES
Nga pasuritë e sipërcituar shtetasi rezulton te këtë shitur dy apartamente ne Kavajë në çmimin total 7,378,000 Leke.
Bashkëshortja e shtetasi Myslim Murriz, Shqiponja Murrizi ka shitur pasuritë e mëposhtme:
- Tokë are me sipërfaqe 3,200 m2 ndodhur në Lushnje, përfituar nga ligji 7501
- Automjet Toyots Rav 4 me vlerë 20,500 Euro
* Shtetasi Myslim Murrizi është aksionar me 50% i kuotave te shoqëritë “Murrizi 2009″ shpk dhe subjekti “TV BLU shpk,!
*Bashkëshortja e shtetasit Myslim Murrizi, Shqiponja Murrizi është aksionere me 50% te kuotave tek shoqëria “Al Oil 2019” shpk
Evidentohet se burimi kryesor i të ardhurave të shtetasit Myslim Murrizi kanë qenë punësimi (në total 7,270,227 Lekë), shitja e pasurive të luajtshme (45,000 Euro) dhe të paluajtshme (ne total 10,178,000 Leke), to ardhurat nga aktiviteti privat (mes ti cilave nga subjekti Justiniani 1 ka përfituar dividend në vlerën 515,000 Euro si dhe një kredi që shtetasi ka marre (në vlerën 2.500,000 Leke).
Evidentojmë se shuma 60,000 Euro që shoqëria “Murrizi 2009” shpk ka kaluar si kthim kontributi për ortakun në llogari të Myslim Murrizit tek banka “UNION” në tetor 2019, nuk duket se është deklaruar në ILDKPKI.
Gjithashtu për shtetasin Myslim Murrizi dhe familjarët e tij, ka edhe informacione të tjera për transaksione vlerash mbi pragun, dhe konkretisht:
Akte noteriale
Në date 16.02.2010″, Myslim Murrizi i shet palës blerëse I.Z (dtl 22.07.1967) një autoveture ‘Land Cruiser Toyota’ me çmim 29,000 Euro.
Në datë 19.03.2010, Myslim Murrizi i jep palës huamarrësi Sh. Ziu (dtl 12.01.1971) një hua në vlerën 30,000 Euro duke deklaruar se te ardhurat burojnë nga biznesi i arsimit.
Në datë 01.12.2011″, Myslim Murrizi blen kuota nga shoqëria ‘TV-BLU’ shpk me NIPT K3617801A(përfaqësuar nga A. Trimi e dtl 13.02.1964) në vlerën 100,000 Euro.
Sipas këtij raportimi, shuma është paguar cash jashtë zyrës noteriale. /Panorama
