Grupet ekstremiste pro serbe i kanë bërë pritë zv.kryeministrit të Malit të Zi, Dritan Abazoviç.
Ata e rrethuan kryetarin e URA duke e quajtur tradhtar dhe kërkuan largimin e tij.
Ekstremistët janë kundër nismës së Abazoviç dhe disa deputetëve të tjerë për krijimin e qeverisë së pakicave.
Parlamenti malazez pritet të vendosë mbi propozimin e kryeministrit Zdravko Krivokapiç për shkarkimin e numrit dy të qeverisë, Dritan Abazoviç falë partisë së të cilit u arrit të krijohej pas zgjedhjeve koalicioni qeverisës.
Pas kësaj, ligjvënësve në Mal të Zi do t’u duhet gjithashtu të shqyrtojnë mocionin e mosbesimit ndaj qeverisë të paraqitur nga koalicioni “Bardh e Zi”, që është pjesë e ekzekutivit, si dhe nga deputetë të opozitës.
