“Situatë jo normale” Tatimet zbarkuan te bizneset e familjes, Agron Duka zbulon çfarë i frikëson

Ish-deputeti Agron Duka, njëkohësisht vëllai i kreut të FSHF Armand Duka, ka reaguar pasi Tatimet zbarkuan sot te bizneset e familjes së tyre.

Ai e ka cilësuar aksionin si të qëllimshëm, ndërsa stoi se ndihen të kërcënuar pasi nuk janë të sigurtë për jetën.

Agron Duka: Këtu sot janë ardhur nja 15 veta nga hetimi Tatimor. Duket se është e qëllimshme sepse pas deklaratave të Erion Veliajt, u sulën ndaj FSHF. Deklarata e Veliajt është shumë fyese për ne si familje, për vetë Armandon. Duket një  instrument shumë i dobët shumë i ndryrë. Nuk është kjo mënyra për me marrë institucionet e federatës.

Janë zgjedhjet. Duke parë që me zgjedhje nuk e mundin dot kanë filluar punë me kërcënime, që nuk e di se sa do vazhdojnë. Ne s’kemi siguri për jetën. Nuk kam gjë me njerëzit që kanë ardhur nga tatimet.