Shpërthim i fuqishëm në Durrës, dëme të shumta në godinën pranë pallatit të shembur

Këtë të hënë shpërthimi i kontrolluar i një pallati në Durrës doli pak jashtë kufijve.

Banorët e ndërtesave përreth raportojnë për deme të shumta në banesat e tyre, të shkaktuara nga rrëzimi i godinës.

Konkretisht, Banorët e një pallati 5-katësh, fare pranë atij të shembur, kërkojnë vlerësim të dëmeve të shkaktuara në banesat e tyre.

Pamje të banesave që pretendohet se janë dëmtuar nga shembja e pallatit, ku shihen dritare të shkatërruara, mure të krisur dhe xhama të thyer. Në një tjetër banesë shihet sesi gërmadhat e pallatit të shembur janë futur deri në dhomat e familjeve.

Pallati i shembur ishte shpallur i pabanueshëm pas dëmeve të pësuara nga tërmeti i nëntorit 2019. Për shembjen e tij u përdorën 20 kilogramë lëndë eksplozive, ndërsa janë hapur në trupin e tij 700 pika ku janë vendosur fitilat. Nga pamjet e momentit të shembjes, duket që pallati anon dhe rrëzohet shumë pranë godinës ngjitur me të, që sipas banorëve ishte vetëm 7-8 metra larg.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern