“Investitori arab është biznesmen i madh por edhe mashtrues i madh”- kështu u shpreh ish kryeministri Sali Berisha sa i përket premtimit të bërë për shndërrimin e Portit të Durrësit. Këtë ‘akuzë’ Berisha e argumentoi me një projekt që biznesmeni arab kishte ndërmarrë në Beogad dhe nuk e kishte realizuar ashtu siç kishte premtuar.
Ai u shpreh se porti ishte tashmë në duart e kryetarit të PD, Lulzim Bashës dhe kryeministrit Edi Rama të cilët sipas Berishës do jen përfituesit më të mëdhenj të kësaj afere korruptive.
Ish kryeministri, Sali Berisha: Edi Rama arriti të marrë peng Lulzim Bravën me aferën korruptive, 800 mijë metra katrorë në portin e Durrësit i janë dhënë gjoja një arabi, i cili është biznesmen i madh por kaq i madh edhe si mashtrues. Ai ka marrë buzën e Savës në Beograd për të investuar 4 miliard euro, ka investuar pas 10 vitesh gjithsej 24 milionë euro. E vërteta është se e kanë marrë Rama dhe Lulzim Brava portin e Durrësit. Rezulton se menaxheri i kompanisë së Mianmarit në Shqipëri është i njëjti menaxher tek kompania e Lul Bravës.
