Protesta e Berishës në fokus të mediave ndërkombëtare, ja si e pasqyruan

Protesta midis demokratëve në selinë e Partisë Demokratike ka tërhequr vëmendjen e mediave ndërkombëtare.

“Dailymail”, “Reuters”, “The Guarduan”, “Protothema”, etj i kanë dedikuar një shkrim protestës mes demokratëve që mbështesin ish-kryeministrin Sali Berisha dhe kreun aktual të PD, Lulzim Bashën.

Përplasja dhe dhuna nuk mungoi, sa u desh ndërhyrja e policisë me gaz lotsjellës apo boti me ujë që t’i shpërndante ato.

“Një grup i drejtuar nga ish-lideri i partisë Sali Berisha përdori shufra hekuri dhe çekiç për të thyer dyert kryesore të godinës. Punonjësit hodhën gaz lotsjellës në përpjekje për t’i parandaluar ata të depërtojnë përpara se policia të ndërhynte me kërkesë të partisë”shkruan Dailymail.

“Lufta brenda-partiake  përshkallëzohet në dhunë, Sali Berisha  nis fushatën për të rrëzuar pasardhësin e Lulzim Bashës ”shkruan “Protothema”.