Presidenti i Parlamentit Evropian David Sassoli ka ndërruar jetë në moshën 65-vjeçare. Lajmi u konfirmua nga zëdhënësi i tij. Sassoli u shtrua në spital në Itali një muaj më parë për shkak të një komplikacioni serioz në sistemin e tij imunitar. Ish-gazetari italian dhe politikani i qendrës së majtë ishte i sëmurë për më shumë se 2 javë dhe anuloji gjithë aktivitetet e tija zyrtare.
Ai vdiq në orët e para të kësaj të marte në një spital në Aviano në Itali njoftoi zëdhënësi i tij Roberto Cuillo. Në muajin shtator, zoti Sassoli u dërgua në një spital në Strasburg ku u trajtua për një rast të rëndë të pneumonisë. Ish- spikeri i lajmeve u bë presidenti i Parlamentit Evropian me 705 vende në vitin 2019.
Ai mundi tre kandidatë të tjerë lidhur me këtë rol dhe në një fjalim pas fitores së tij ai bëri thirrje që BE-ja t’i kthehet shpirtit të etërve të saj themelues që këmbyen luftën dhe nacionalizmin për paqen dhe barazinë. Sassoli u largua nga fusha e gazetarisë dhe u bë anëtar i Parlamentit Evropian në vitin 2009. Ai ishte anëtar i Aleancës Progresive të Socialistëve dhe Demokratëve të qendrës së majtë, grupimi i dytë më i madh në parlament.
“Çfarë tronditje e madhe dhe humbje e madhe. Jam thellësisht i pikëlluar”, shkroi eurodeputeti Ismail Ertug në Twitter. Një tjetër eurodeputet, Paolo Borchia, shprehu ngushëllimet për familjen e zotit Sassoli dhe tha se lajmi e kishte lënë atë “të habitur”.
