Një vajzë vetëm 14-vjeçare në Pakistan vdiq pasi qëlloi aksidentalisht veten teksa po xhironte një video për në TikTok, platformën popullore të videove të shkurtra.
Ngjarja e rëndë ka ndodhur në qytetin e Hyderabad. “Plumbi i kaloi në stomak duke i shkaktuar vdekjen”, sqaruan mjekët. Në vitin 2021 në Pakistan, 4 të rinj humbën jetën teksa po bënin video në TikTok.
Aksidenti fatal ndodhi në Hyderabad, që është qyteti i dytë më i populluar në provincën jugore pakistaneze të Sindh, një rajon në kufi me Indinë. Ka qenë policia ajo që ka bërë të ditur ngjarjen e rëndë.
