Shumë qytetarë të prekur me C OVID19 nuk pranojnë të shkojnë në spital, madje dhe kur gjendja e tyre shëndetësore e kërkon me çdo kusht.
Këtë fakt e ka konfirmuar dhe kreu i Urgjencës Kombëtare Skënder Brataj.
Sipas tij. shpeshherë kombinimi i trajtimit mjekësor ambulator me atë spitalor në kushte shtëpie, i agravon edhe më shumë gjendjen e tyre duke bërë që të shkojnë me 80 % të mushkërisë së prekur, e cila konsiderohet faza më e rëndë. “Nuk është më virusi që ka dëmtuar mushkërinë dhe ka ulur oksigjenin por është një komplikacion i mjekimit shumë të rëndë që bëhet në banesë, me terapi endovenoze të cilat sigurisht janë për në spital dhe jo për në banesë. Trajtimi me antibiotikë apo antiviralë të cilat nuk kontrollohen ditë për ditë siç bëhet në spital apo përmes analizave imazherike”, thekson Brataj për Top Channel.
Mutacioni “Omicron”, për të cilin është paralajmëruar se do të shkaktojë një tjetër valë në mesin e këtij muaji thuhet se është më shume infektues se sa “Delta”, por nuk i prek mushkëritë”, thekson ai.
