PD me dyer të blinduara? Ish-drejtuesi i policisë: Ja si mund të hapen pa përdorur forcë

Kur aludohet se pak ditë para protestës së njoftuar të 8 Janarit nga Sali Berisha, dyert e PD janë blinduar, ish-drejtuesi i policisë Erzen Breçani thotë se nëse fotot që qarkullojnë online janë të vërteta, atëherë në ato dyer janë përdorur profile metalike.

Ai thotë se ato shërbejnë si barriera kundra njerëzve dhe me qëllim që t’ju rezistojnë shtytjeve.

“Nëse drejtuesit e PD që janë shumë, kanë vendosur ato dyer nuk di mbi çfarë informacionesh…Por nëse njerëzit kanë vendosur për të hyrë brenda, ne i themi me një çelës pneumatik ose hapës hidraulik që e marrin me qira, e vendosin në dy kanatat dhe e hapin pa përdorur forcë fare, në dy anët ku është salduar dera, e vendosin dhe e hapin shumë shpejt dhe i shkon kot. Kjo që ne e shohim është vendosur një barrierë kundra njerëzve”, tha Breçani në “Opinion”.