Pas mbylljes së shkollave, ministrja Evis Kushi ka një njoftim të rëndësishëm për prindërit

Pas vendimit për ndërprerjen e procesit mësimor nga data 24-26 janar për shkak të uljes së temperaturave, ministrja e Arsimit Evis Kushi ka dhënë një njoftim për prindërit.

Ajo bën me dije se me vendim të Këshillit të Ministrave njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare.

INFORMIM PËR PRINDËRIT

Nisur nga vendimi i fundit për ndërprerjen e procesit mësimor nga data 24 – 26 janar për shkak të kushteve të vështira atmosferike, nisur edhe nga eksperiencat e mëparshme ku me vendim të Këshillit të Ministrave njëri nga prindërit me fëmijë të mitur lejohet të qëndrojë në shtëpi pa pasoja administrative dhe financiare, i njëjti vendim do të aplikohet përsëri edhe gjatë javës së ardhshme.