Pas aksidentit të rëndë/ “Çmendet” 70-vjecari, policia habitet nga ajo që i gjen në banesë

Një aksident automobilistik ka ndodhur dje në aksin rrugor Berat-Dimal.

Ndërkohë ditën e sotme në lidhje me këtë ngjarje policia arrestoi shtetasin me iniciale N.P, 70 vjeç.

Teksa drejtonte mjetin e tij tip “Benz”, është përplasur me një mjet tjetër. Në momentin që kanë arritur shërbimet e Qarkullimit Rrugor në vendin e ngjarjes, ky shtetas,  ka goditur me sende të forta Shefin e Seksionit për Qarkullimin Rrugor.

Më pas gjatë kontrollit këtij shtetasi iu sekuestruan në banesë një armë zjarri pistoletë dhe fishekë.

“U përfshi në aksident rrugor dhe goditi me sende të forta Shefin e Seksionit për Qarkullimin Rrugor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjatë kontrollit të banesës iu gjetën dhe iu sekuestruan në cilësinë e provës materiale një armë zjarri pistoletë dhe fishekë luftarakë.

Specialistët e Qarkullimit Rrugor në bashkëpunim me Prokurorinë e Rrethit Gjyqësor Berat, bënë arrestimin në flagrancë të shtetasit N. P., 70 vjeç, banues në Berat, pasi ditën e djeshme rreth orës 10:00, në aksin rrugor Berat-Dimal, duke drejtuar mjetin tip “Benz”, është përplasur me një mjet tjetër. Në momentin që kanë arritur shërbimet e Qarkullimit Rrugor në vendin e ngjarjes, shtetasi N. P., ka goditur me sende të forta Shefin e Seksionit për Qarkullimin Rrugor.

Gjatë kontrollit në banesën e shtetasit N. P., iu gjetën dhe sekuestruan në cilësinë e provës materiale një armë zjarri pistoletë dhe fishekë luftarakë.

Materialet i kaluan Prokurorisë së Rrethit Gjyqësor Berat për veprime të mëtejshme“, njofton policia.