“Nuk jam hakmarrës, por të…” Ekzekutoi vëllain e v rasësit të babait, zbardhen mesazhet e koduara të 17-vjeçarit

Policia e Lezhës ka arrestuar 17 vjeçarin Florian Përvathi, pasi dje pasdite qëlloi për vdekje me armë zjarri shtetasin Lekë Lekgjonaj.

Vëllai i viktimës i kishte vrarë të riut babanë 13 vite më parë.

Floriani mësohet se ka shkuar vetë në Policinë e Lezhës pas vrasjes dhe ka thënë se 65 vjeçarin e kishte vrarë për të marrë hakun e babait të tij. Menjëherë i riu është ndaluar, por ende nuk është marrë në pyetje pasi ka qenë i ngarkuar emocionalisht.

Edhe pse nuk ka shfaqur pendesë për krimin, Florian Përvathi ndodhet në gjendje të rënduar emocionale.

Floriani u rrit nga gjyshërit të cilët e larguan nga fshati që të mos kishte kontakte me familjen që i vrau babain. Pavarësisht kësaj, 17 vjeçari duket se ndër vite ishte rritur për të marrë hak për babain dhe nënën që ndërroi jetë pas tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në një postim në rrjetet sociale i riu shkruante: “Nuk jam hakmarrës, thjesht rikthej nderin”. Ndërkohë, në një tjetër postim, ai shkruante: “Mos u dorëzo kurrë, gjërat e mëdha kërkojnë kohë”. “Rrini gati për gjithçka, shkaku se jeta është e padrejtë.”