Nuk iu zgjati lidhja/ Bënë shumë bujë në “Përputhen”, Bashkimi konfirmon ndarjen nga Alvisa

Çifti i parë që doli nga sezoni i tretë i emisionit “Përputhen” ishin Alvisa Qarri dhe Bashkim Seiti,

Në këtë rrugëtim ata u vunë përpara shumë pengesave, ku njëra prej tyre ishte përballja me akuzat e vazhdueshme që Alvisa merrte nga ish- i dashuri Hyseni.

Kohët e fundit dyshja ka dhënë shumë intervista duke u shfaqur të lumtur bashkë.

Mirëpo, ditën e sotme, Bashkimi ka bërë një deklaratë shumë surprizuese dhe të papritur, në të cilën njofton ndarjen nga bukuroshja bionde.

“Njerëz të dashur desha tju informoja nëpërmjet këtij postimi që nga sot më nuk jam në një marrëdhënie me Alvisën. Më vjen shumë keq që gjërat shkuan kështu dhe gjithashtu më vjen keq për të gjithë ata që na kanë mbështetur që nga dita e parë. Shpresova dhe mendova që pas gjithë asaj që kemi kaluar, pas gjithë atyre sakrificave, mendoja që jashtë gjërat do të ishin ndryshe.

Nuk kam qenë ndonjëherë pjesë e asnjë loje dhe nuk dua të jem, prandaj në momentin që e kuptova që pavarësisht çdo përpjekje kur gjërat nuk ecin, më mirë ti stoposh në kohë dhe të jesh i qetë me veten dhe i pastër me të tjerët. I uroj gjithë të mirat asaj në jetë dhe asnjëherë nuk do ta hedh poshtë për atë që kemi kaluar në program. Jeta vazhdon.”- ka shkruar ai, pa zbuluar arsyen konkrete të ndarjes.