Ish-kryeministri Sali Berisha ndodhej sot në 31-vjetorin e Partisë Demokratike në Patos.
Ai nuk ka qendruar indiferent ndaj ambasadores së SHBA Yuri Kim, duke e sulmuar drejtpërsëdrejti si bashkëpuëtore të kryeministrit Edi Rama dhe liderit aktual demokrat Lulzim Basha.
“Zonja Kim kalon nga sekretare ideologjike e PS në zëdhënëse të Lulzim bravës. Në një intervistë para 10 ditësh, zonja Kim, e cila kalon nga sekretare ideologjike e PS në zëdhënëse të Lul Bashës sipas klimës, po mburrej për investimet amerikane gjatë kohës së saj. Dua t’i them dy fjalë, ne këtu jemi proamerikanë më shumë se kushdo tjetër. Ne presim me krenari të madhe investitoret amerikane, por kompania me e madhe që ka punuar në Shqipëri ka qenë Becker, që ndërtoi rrugën e Kombit. Zonjë, në emër të gjithë shqiptarëve, mos inkurajoni prokurimet direkte në këtë vend, sepse pavarësisht nga vendi që vijnë, prokurimet direkte janë korruptive. Nëse ju jeni e interesuar për luftën kundër korrupsionit dhe investimet e huaja, insistoni për tendera të hapura”, tha Berisha.
