Në kasollen e saj/ 67-vjeçarja e braktisur nga shteti ndërron jetë nga i ftohti 

67-vjeçarja Liljana Sema, jetonte prej shumë vitesh në kushte teje të mjerueshme dhe në varfëri ekstreme në një kasolle gjysmë të rrënuar, në fshatin Ferras.

Pikërisht në këto ditë të ftohta, ajo është gjetur e vdekur në banesën nga vëllai i saj, Florenc Gjoleka, pasi vetëm pak ditë më parë asaj i ishte ndërprerë furnizimi me energji elektrike nga OSHEE-ja, duke e lënë kështu pa ngrohje, vetëm sepse e moshuara nuk kishte paguar një muaj tarifën e energjisë.

Liljana, prej vitesh vuante nga zemra, tensioni dhe probleme të tjera me nervat, por kësaj i është mbivendosur prej shumë vitesh edhe varfëria ekstreme, skamja, uria dhe mungesa e të ardhurave minimale për të mbajtur shpirtin gjallë.