Ndodhej në restorant/ Ekzekutohet me breshëri 34-vjeçari shqiptar në Ekuador (EMRI)

Një shqiptar është vrarë me armë zjarri mbrëmë teksa ndodhej në një restorant në Ekuador.

Ngjarja tronditëse ndodhi në qytetin e Guajakil dhe shqiptari është identifikuar si Ergys Dashi, 34-vjeç.

I riu është qëlluar me më shumë se 20 plumba.

Sipas policisë, viktima ka patur lidhje me trafikun e drogës.

Ekspertët e kriminalistikës kanë grumbulluar mbi 20 gëzhoja në vendngjarje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu u konstatua se ai ka marrë disa plumba në pjesën ballore të kafkës. Në fillim nuk mund të dallohej se kush ishte viktima, por pas dërgimit në Laboratorin e Kriminalistikës, u zbulua se ishte Ergys Dashi nga Shqipëria.

Dashi ishte duke darkuar në një prej restoranteve më të famshëm të qytetit të Guajakil.

Në atë moment dy persona futen në restorant, me buqetë me lule në duar, njëri prej tyre nxjerr armën dhe ekzekuton me 20 plumba shqiptarin.

Nga plumbat mbeti e plagosur edhe një 26-vjeçare e identifikuar si Angie Romero. Ajo nuk kishte lidhje me atentatin, por ndodhej në tavolinën ngjitur ku ndodhej Dasho.