LIGJET E BIZNESIT
Kur 40-vjeçari Zane Wedding shkoi për të notuar javën e kaluar, ai u largua me më shumë sesa vetëm një shqetësim.
Sipas mediave të huaja, përcjell Telegrafi, Wedding, ishte zhytur në pishinën e tij lokale në Auckland, Zelanda e Re, të premten, kur, pa e ditur ai, krijesa i ishte futur brenda veshit.
Dhe kur u kthye në shtëpi, kishte ndjesinë se i ishte bllokuar veshi.
“Unë përdora disa pika për ta pastruar atë dhe më zuri gjumi në divan më vonë atë natë”, i tha ai CNN të enjten.
“Kur u zgjova në mëngjes dhe ishte ende e bllokuar, shkova direkt te mjeku”, tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Fillimisht, mjeku mendoi se mund të kishte pasur ujë të bllokuar, ndaj e këshilloi të shkonte në shtëpi dhe të përdorte një tharëse flokësh për ta tharë atë.
Por Wedding e dinte se diçka nuk shkonte mirë.
“Gjatë fundjavës provova gjithçka që munda për lehtësim – qirinj veshësh, kërcim në njërën këmbë, çamçakëz, shkova për vrap – gjithçka që mund të mendoja [për të] pastruar veshin”.
Të dielën mbrëma “zhurma” u ndal papritur, por veshi ishte ende i bllokuar, kështu që Wedding rezervoi për të parë një specialist të veshit, hundës dhe fytit të hënën.
Sapo doktoresha i shikoi brenda veshit, sipas Wedding, ajo i tha: “O zot, mendoj se ke një insekt në vesh”.
Dhe mjekja e nxori insektin e ngordhur në një procedurë që zgjati më pak se pesë minuta.
