“Na lini dhe 10 minuta”/ Po këndonte LIVE, Policia i kërkoi këngëtarit shqiptar të mbyll koncertin

Ora policore ka bërë që lokalet të mbyllen herët dhe të kufizohen së tepërmi koncertet e orëve të vona të natës. Kështu ka ndodhur dhe në Kosovë teksa këngëtari Labinot Tahiri ishte duke performuar në skenë.

Policia mbërriti në lokalin ku po zhvillohej koncerti dhe u kërkoi të pranishmëve të largoheshin pasi ora policore ishte duke u afruar. Mirëpo duke parë dëshirën e pjesëmarrësve, Labinot Tahiri ka kërkuar mirëkuptim edhe për 10 minuta të tjera, duke thënë se do të mbaj premtimin e do të zbatojë ligjin.

“Mos ma lësho baterinë se s’jam qorr – kam respekt për juve, e dini fort mirë. Çdo polic i Kosovës dhe i Shqipërisë sa herë ka pasur nevojë për Labinot Tahirin kam dalur në borë e në shi. Më mirë është me u kënaq edhe 10 minuta. Ne e respektojmë ligjin edhe juve, zoti ju bekoftë juve se ju e keni punën më të vështirë. Edhe 10 minuta e përfundojmë, veç me ma ndalë mikronin se meritoj. 10 minuta, unë i pari dalë”, u shpreh Labinot Tahiri ndaj pjesëtarëve të Policisë së Kosovës.