LIGJET E BIZNESIT
Sekretari i Përgjithshëm i Partisë Demokratike, Gazment Bardhi, i është drejtuar me një kërkesë për informacion Bashkisë së Tiranë lidhur me një projekt, që sipas tij, parashikohet të ndërtohet në territorin ku ndodhet selia qendrore e Partisë Demokratike.
“E la të priste Ramën, anashkalon Presidentin dhe…”, ish-ambasadori Agim Nesho nxjerr prapaskenat e vizitës së Erdogan: Ja mesazhi që dha
“Erdogan është politikan i zgjuar dhe i di çfarë i duhet Ramës”/ Zheji plas deklaratën e fortë: Kostoja e imazhit që paguan Shqipëria është shumë e lartë
Erdogan takim ‘kokë më kokë’ me Edi Ramën! Lë mesazhin e tij në librin e shënimeve në Kryeministri, pritet të nënshkruhen disa marrëveshje të rëndësishme
Në kërkesën drejtuar Bashkisë, Bardhi ngre katër pyetje, që lidhen pikërisht me këtë projekt, që sipas numrit dy të PD, parashikon ndërtimin e tre kullave.
Sekretari i Përgjithshëm i PD kërkesë për informacion Bashkisë së Tiranës. 4 pyetje mbi projektin:
Në datën 13.01.2022, media bëri publike një ide projekt ku parashikohej ndërtimi i tre kullave, pikërisht në territorin ku ndodhet selia qëndrore e Partisë Demokratike. Në mungesë informacioni mbi këtë projekt, Sekretari i Përgjithshëm i PD Gazment Bardhi i ka dërguar një kërkesë për informacion Bashkisë së Tiranës, ku kërkon që t’i vihet në dispozicion një informacion të plotë dhe të detajuar, për sa më poshtë:
1. Kur është dorëzuar zyrtarisht projekti “Four Freedoms Park” pranë Bashkisë Tiranë, dhe kush kanë qenë propozuesit/financuesit e këtij projekti? A ka pasur gjatë ditëve të fundit një përpjekje nga propozuesit e projektit apo persona të tjerë për riaktivizimin e këtij projekti?
2. Cila ka qenë procedura e ndjekur nga Bashkia Tiranë lidhur me trajtimin e këtij projekti? A ka pasur një prezantim të këtij projekti pranë zyrave të Bashkisë Tiranë? Nëse po, kush kanë qenë pjesëmarrësit privatë dhe institucionalë gjatë këtij prezantimi? Kujt i është njoftuar ky projekt deri më tani?
3. A ka pasur një vendimmarrje lidhur me këtë projekt? Nëse po, ju lutem të na vini në dispozicion aktet përkatëse, duke na sqaruar edhe cili është statusi aktual i këtij projekti dhe nëse sipas rregullave në fuqi të planifikimit të territorit a lejohet ndërtimi në zonën e propozuar?
4. Ju lutem, na vini në dispozicion praktikën e plotë shkresore që disponon Bashkia Tiranë lidhur me projektin “Four Freedoms Park”, nga momenti i dorëzimit të tij deri në datën e marrjes së kësaj kërkese.
