Meta: Gruaja ime dogji mandatet për Bashën, gruaja e tij rrezik nuk i dha as votën

Presidenti Ilir Meta tha se bashkëshortja e tij i dha besën Bashës dhe dogji 19 mandate, por sipas tij bashkëshortja e Bashës nuk i dha as votën burrit të saj.

Meta thotë se është e patolerueshme që vendi të shkojë në krizë besimi për shkak të sjelljeve të Bashës.

“Sa ka bërë gruaja ime për të nuk ka bërë gruaja e tij. Gruaja e tij ka rrezik që edhe votën nuk ia ka dhënë. Ndërsa gruaja ime i dha besën dhe dogji 19 mandatet që nuk i kishte marrë ajo. Por që të jetë vendi në këtë situatë dhe ti të shkosh me polici sa andej dhe këndej, nuk shkon”, tha Meta në Euronews Albania.