Kur do të nisë mësimi në shkolla? Ministrja Kushi del me porosi për të gjithë nxënësit

Pas pushimeve të Vitit të Ri, do të nisë nesër mësimi për të gjithë nxënësit.

Lajmin e ka dhënë ministrja Evis Kushi, e cila bën me dije se fëmijët dhe mësuesit gjithashtu duhet të kenë një kujdes të shtuar në lidhje me higjienën, ndërkohë që sipas saj mësimi fizik në shkolla kërkon që të gjithë të marrin përgjegjësi.

MESAZHI I PLOTE

Të dashur nxënës, shpresoj të keni kaluar festa e pushime të gëzuara, e të keni mbledhur plot energji që nesër t’u riktheheni shkollave plot dëshirë e pasion për të mësuar më shumë.

Rikthimi në shkollë ju bën bashkë me shoqet, shokët, mësuesit, të kaloni çaste të bukura, por edhe të mbështesni më shumë njëri-tjetrin.

Ndërkohë dua t’ju kujtoj edhe një herë që të kemi kujdes të shtuar për higjienën dhe të gjitha masat kundër pandemisë. Shkollat e hapura dhe mësimi në prezencë fizike kërkon vëmendjen dhe përgjegjësinë e të gjithëve bashkë.

Ju uroj shumë suksese dhe vit të mbarë!