Ku është Beatriks? Pas eleminimit nga BBV, nuk vjen në emision. Dojna: Është rëndë psikologjikisht

Beatrix Ramosaj mungoi sot në Fun Club, ku pritej të tregonte se si e kaloi eksperiencën e saj në Big Brother siç është zakon për çdo të eleminuar.

Por me daljen nga Big Brother Vip ditën e premte ajo duket se është ‘zhdukur’, pasi nuk  ka asnjë reagim edhe  në rrjetet sociale.

Moderatorja e Fun Club Dojna Mema tha se ajo kishte komunikuar me të, dhe i kishte thënë se ndihet shumë e ngarkuar psikologjikisht për të ardhur në emision.

Menjëherë pas këtij sqarimi të ftuarit në studio shprehën keqardhjen, duke thënë se Beatriks nuk ka pse të ndihet në faj për asgjë, referuar marrëdhënies me Donaldin.

Aulona Musta: Ne e pamë që ajo harroi lojën se iu dha ndjenjës, ajo është e keqja e vetes, është e turpshme kjo urrejtje ndaj saj. Të vetmit të këqij janë ata që kënaqen me gjendjen e keqe të tjetrit.

Flavio Qarri: jam zhgënjyer që nuk është këtu, nuk shoh arsye të jetë e ngarkuar psikologjikisht, për mendimin tim edhe historinë me Donaldin duhet ta kishte bërë më fortë, hyri si superstar aty, se ajo është një femrat më të bukura, dhe doli si shtëpiake që pret një djalë tani, ajo ka më shumë potencial se kaq, duhet të ishte më këmbëngulëse.

Aulona Musta: Kush e njeh Beatriksin e di që është shumë e ndrojtur, e paqtë dhe nuk ia do të keqen askujt.

Dagz: Beatriks është shumë pozitive, nuk ia do të keqen askujt, mbështetjen time e ka gjithmonë.