“Ku është ai?” Berisha pyet për Ramën nga salla e Kuvendit: Me siguri duke vjedhur

Ditën e sotme ish-kryeministri Sali Berisha ka hedhur akuza të forta në Kuvend për kreun e qeverisë Edi Rama dhe liderin e Partisë Demokratike Lulzim Basha.

Komisionin Hetimor për inceneratorët ai e konsideroi si një tallje me shqiptarët.

“Ku është “ay”? Është duke vjedhur me siguri…”, shprehet Berisha teksa kërkon Ramën në sallën e Kuvendit.

Sipas Berishës Klodian Zoto dhe Stela Gugallja janë mbajtur të fshehur në Lushnje deri para dy ditësh.

“Pas tre muajsh zero hetim sepse janë të zhytura. Është i zhytur si Edvin droga dhe Lulzim brava. Janë bërë 298 denoncime që të gjitha mbeten në heshtje sepse Lulzim brava i implikuar në këtë aferë vetëm inekstremis lejoi që të publikohen një apo dy herë deklarata nga PD. Nuk ka aferë më flagrante vjedhje të përbashkët në Shqipëri. E kanë mbajtur në Lushnje Zoton dhe Gulljan të fshehur deri para dy ditësh dhe i kërcënonte. Kjo aferë duhet të hetohet. Natyrisht kushti i parë nga deputetët që nuk kanë asnjë lidhje me aferën sepse këtu në të dyja anët brava është me të dy këmbët. Na thuaj pak çfarë janë udhëtimet  tij me Zoton? Pse nuk lejonte denoncimet”, deklaroi Berisha.