Kreu demokrat Lulzim Basha ka uruar shqiptarët me rastin e ndërrimit të viteve.
Në një mesazh në rrjetet sociale, Basha uron për një Shqipëri normale dhe me mundësi për të gjithë. Ai shkruan se e ardhmja po torket “teksa shohim plot shpresë atë që na pret”.
Mesazhi i Bashës për Vitin e Ri:
Të dashur bashkqytetarë, teksa e ardhmja po troket dhe shohim plot shpresë atë që na pret, ju uroj përzemërsisht Gëzuar Vitin e Ri 2022!
Uroj që vatrat e familjeve shqiptare të mbushen me dashuri, gëzim, shëndet dhe mirëqenie, e të gjithë bashkë të punojmë për një të ardhme më të mirë, ku fëmijët tanë të njohin gëzimin që meritojnë dhe ku të realizohen shpresat tona për një Shqipëri normale, me mundësi për të gjithë.
Zoti ju bekoftë ju dhe familjet tuaja!
