“Jam në gjendje të shkëlqyer” Policia shpërndan turmën me gaz lotsjellës dhe ujë, reagon Sali Berisha

Ish-kryeministri Sali Berisha ka dhënë një deklaratë jashtë selisë së Partisë Demokratike.

Protestuesit janë larguar me gaz lotsjellës dhe ujë, pas ndërhyrjes së Forcave të Ndërhyrjes së Shpejtë.

Por Berisha dhe disa deputetë së bashku me mbështetësit e tij, janë jashtë selisë blu.

“Policia po bën detyrat e Edi Ramës“,tha Berisha i cili mban të vendosur një maskë kundragaz.

“Ndërhyrje kriminale. Akt kriminal shtetëror, ndaj një proteste qe kishte qëllime paqësore. Ky ishte skenari i paralajmëruar që dje nga Policia. Opozita vazhdon betejën deri në fitoren e saj të plotë. Asnjë gjë nuk na ndal për realizimin e qëllimeve tona. Lulzim Brava tregoi fytyrën e ti. Protesta do vazhdojë deri në realizimin e qëllimit të saj. Qëllimi i protestës do realizohej sot por ju e shihni barbarinë e vërtetë ndaj protestuesve nga policisë Edi Ramës .Gjendja ime shëndetësore është e shkëlqyer”, shtoi ai per mediat.