LIGJET E BIZNESIT
Ish-kryeministri Sali Berisha është nisur sot nga shtëpia e tij, në rrugën “Mustafa Matohiti”, drejt Prokurorisë së Tiranës. Ai do të dëshmojë lidhur me ngjarjet e dhunshme të ndodhura në protestën e thirrur prej tij më datë 8 janar në selinë e PD.
“Do të dëshmoj bashkëpunimin në shkallën më të lartë të krimit në narko-shtetin shqiptar që doli qartë si drita e diellit më datë 8 janar. Për më shumë ju ftoj se sa të dalë nga dera e Prokurorisë do ju informoj juve hollësisht. Basha është një vegël i Qeverisë. Duhet të kërkonte të falur dhe të ndëshkonte policinë që ndaloi njerëz të pafajshëm”, tha Berisha.
Ish-lideri i Partisë Demokratike do të shkelë për herë të parë në Prokurori. Në gati 31 vite politikë, ish-kryeministri, ish -Presidenti dhe ish-kreu i Partisë Demokratike nuk është thirrur asnjëherë në oranin e akuzës qoftë edhe për shpifje, si shumë deputetë apo ministra.
