Ish-deputeti i opozitës së re Myslym Murrizi është paditur sot në Prokurori nga Policia e Shtetit për akuzën e “Fshehjes së të ardhurave” dhe “Pastrim të produkteve të veprës penale”.
Ai i bën thirrje SPAK-ut që ta ketë këtë zell për të hetuar ata që firmosin dhe vjedhin paratë publike, ndërsa paralajmëron se asnjë zyrtar në karrigen e shtetit nuk mund ti bëjë presion.
“Nuk do të doja që drejtësia e re të ishte në funksion të pushtetit për të goditur pjesën e opozitës meqë në këtë valë është opozita në qendër të vëmendjes por do ti bëja thirrje ish-kandidatit për deputet të rinisë komuniste të Lisen Bashkurtit, Ben Krajës, që drejton SPAK-un sot që të merren me listën e atyre që kanë firmosur para publike në 20 vitet e fundit nga 2001-2021, që kanë qenë ministra, zëvendësministra, drejtorë të përgjitshëm, të shikojë figuron emri i Murrizit apo jo.
Murrizi ka punuar në ’92-’96 dhe ka 25 vite në njëfarë mënyre në opozitë, edhe me qeverisjen e PD 2005-2013, kam qenë në punët e mia, në biznes tim legal. Kanë ardhur kontroll në firmën Murrizi hetimi tatimor, tatimet. Sikurse te “Justiniani I”. Nuk më impresinojnë elementë të inkriminuar të llumit të shoqërisë shqiptare që drejtojnë policinë për hetimin e Murrizit që nuk ka ushtruar funksion publik, nuk ka firmosur dhe nuk ka përfituar para publike në 30 vite.
Do ti ftoja të kishin këtë zell për pasurinë e Gjiknurit, Ahmetajt, Ramës, të Bashës, kunatit, të atyre që kanë qenë në pushtet. Gjithësesi drejtësia të bëjë punën e saj por nuk ka fundërrinë ne karrigen e shtetit që mund ti bëjë presion Myslim Murrizit”, tha ai për Ora News.
