Francë/ Përmbytjet shkatërrojnë kampin e shqiptarëve, jetojnë në kushte çnjerëzore

114 shqiptarë, 37 prej të cilëve të mitur, po jetojnë në kushte të vështira në një kamp të improvizuar azilantësh në Toulouse të Francës.

Gjendja e tyre u bë edhe më keq për shkak të përmbytjes nga një stuhi që goditi vendin, që shkatërroi tendat e tyre.

Ata u evakuuan, por pas një jave u rikthyen sërish në të njëjtin kamp, ndërsa kushtet e jetesës i konsiderojnë ‘çnjerëzore’.

Shoqata Humanitare Utopia shprehet se situata është shumë shqetësuese nëse shqiptarët do të vijojnë të jetojnë në këto kushte.