Fabrikë vetëm 200 m larg ujësjellësit, banorët e Dushajt ngrihen në protestë

Banorët e Dushajt në Tropojë janë ngritur në protesta për të kundërshtuar ngritjen e një fabrike asfalto-betoni në zonën ku ata banojnë.

Ata u kanë dërguar peticion autoriteteve për të mos lejuar ndërtimin e kësaj fabrike me pretendim se ajo rrezikon shëndetin e tyre.

Bashkia e Tropojës shpronësoi një ditë më parë 0.4 ha sipërfaqe pyjore për të garantuar ngritjen e fabrikës. Ajo do të ndërtohet 200 m larg ujësjellësit të zonës.

“Ministria e Mjedisit të mos e lejojë ngritjen e kësaj fabrike. Ngritja e saj rrezikon shëndetin tonë”, shprehen banorët e Dushajt.