LIGJET E BIZNESIT
Prokuroria e Tiranës i ka kërkuar gjykatës dënimin e Izet Haxhisë me 25 vite burg.
Ish-truproja e Sali Bérishës akuzohet si personi i dyshuar për vrasjen e Azem Hajdarit në vitin 1998.
Ish-deputeti u qëllua për vdekje jashtë selisë së Partisë Demokratike më 12 shtator 1998.
Mësohet se seanca gjyqësore ndaj Haxhisë ka nisur me tone të acaruara, pasi avokati i tij ka thënë se ka edhe prova të tjera, të cilat duhen shqyrtuar.
Gjykata nuk e ka pranuar kërkesën e avokatit dhe kjo ka acaruar Izet Haxhinë, i cili ka braktisur sallën e gjyqit. Menjëherë pas largimit të tij, për 3 orë e 30 minuta prokurori i çështjes ka rindërtuar gjithë ngjarjen e ndodhur më 12 shtator 1998, ku u vra jashtë selisë blu Azem Hajdari.
Në rreth 4 orë prokurori ka treguar mënyrën si u vra Azem Hajdari dhe rolin e Izet Haxhisë, në këtë ngjarje të bujshme. Në fund, prokurori ka kërkuar dënimin më të rëndë për Izet Haxhinë, 25 vite burg.
