“Eja, do bëjmë qejf”/ Dyshohet se ngacmoi një 14-vjeçare, gjykata lë në burg biznesmenin. Foto me Ramën dhe ministrat

Një 64-vjeçar nga Vlora, i identifikuar si Vesaf Musa, i cili njihet si biznesmen është lënë sot në burg pasi dyshohet se ka ngacmuar seksualisht një vajzë të mitur vetëm 14 vjeç të komunitetit rom.

Arrestimi u bë të premten nga policia e Fierit, pasi ngjarja ka ndodhur në Levan. Ishte gjyqtarja Olkeda Liçe që vendosi ta lërë në qeli biznesmenin.

E mitura ka rrëfyer para policisë në prani të psikologes dhe familjarëve sesi ka ndodhur ngjarja. Mësohet se teksa po udhëtonte me një mjet fuoristradë, biznesmeni Musa ka ndaluar dhe i ka thënë të miturës: “Eja, do bëjmë qejf?”, raporton “Lapsi.al”. Biznesmeni Vesaf Musa merret me prodhimin e vajit të ullirit.

Në profilin e tij në “Facebook” gjen foto me kryeministrin Rama, dhe ministra të tjerë të qeverisë.

Njoftimi i Policisë së Fierit:

Specialistët për Hetimin e Krimeve në Komisariatin e Policisë Fier arrestuan në flagrancë shtetasin V. M., 64 vjeç, banues në Skrofotinë, Vlorë, pasi dyshohet se në Levan ka ngacmuar seksualisht një shtetase të mitur 14 vjeçe.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.