“E mbajta në gojë”/ Meridiani tregon si e futi fshehurazi në Big Brother, ‘mesazhin’ për Arjolën

Ish-banor i Big Brother VIP, Meridian Ramçaj tha se natën e parë që është futur në Big Brother VIP ka futur një send të vajzës së aktores Arjola Demiri, si mesazh për këtë të fundit.

Meridiani tha në studio se duke e parë aq të shqetësuar Arjolën, një natë para se të futej në shtëpi kishte takuar vajzën e aktores dhe i kishte marrë varësen.

Ai tha se e ka futur në gojë e ka mbajtur gjatë gjithë kohës si shenjë për t’i treguar Arjolës se fëmijët i kishte shumë mirë.

Meridian Ramçaj: Dua të them diçka, unë natën e parë që jam futur në Big Brother kam thyer një rregull. Një natë para kam takuar vajzën e Arjolës duke e parë se ajo ishe e shqetësuar. I mora varësen vajzës dhe e kam mbajtur në gojë për t’ia treguar më vonë Arjolës se fëmijët i kishte mirë. Unë e di që po ta dinit ju atë gjë, që natën e parë do më kishit nxjerrë fishek jashtë.