LIGJET E BIZNESIT
Tirana u trondit mbrëmjen e djeshme nga një atentat në lokal në zonën e “Don Boskos”, ku për pasojë mbeti i vrarë një 35 vjeçar dhe u plagosën 4 të tjerë.
Më poshtë është fotoja e Edmond Crrojit, i cili dyshohet se ka qenë dhe objektivi i autorëve, në ngjarjen ku humbi jetën Erion Çela.
41 vjeçari Crroj ishte një person me precedent penalë në fushën e narkotikëve në Itali.
Ndërkohë hetuesit kanë ngritur dyshimet se atentatorët kanë pritur momentin kur objektivi dhe dy nipërit të takoheshin së bashku dhe ndaj tyre të hapej zjarr. Si pistë kryesore po hetohet ajo e përplasjes për çështje droge.
Për të identifikuar atentatorët, janë sekuestruar një sërë kamerash sigurie. Ato kanë fiksuar momentin kur mjeti tip ‘Mercedes Benz e class’ i autorëve vjen nga rruga kryesore dhe sapo kthehet përballë lokalit, një nga 3 personat që ndodhej brenda hap zjarr në drejtim të tavolinës ku ishte ulur Crroj, dy nipërit dhe një miku i tyre.
Ndërkaq ngjarja a ndodhur të martën e 4 janarit në lokal ku si pasojë e të shtënave me armë ka humbur jetën një 35 vjeçar, është plagosur vëllai i tij Blerim Çela 28 vjeç, daja Edmond Crroj 41 vjeç, miku i tij Arben Dani 46 vjeç dhe një klient që ndodhej në lokal 19 vjeçari Azbi Selimaj.
