Pas situatës së tensionuar që u krijua sot në selinë e Partisë Demokratike, ku pati dhe përplasje mes mbështetësve të ish-kryeministrit Sali Berisha dhe liderit aktual Lulzim Basha, policia dhe prokurorët janë futur në godinë tashmë, duke e rrethuar me shirita të verdhë dhe duke e shpallur skenë krimi.
Ekspertët janë duke siguruar prova tashmë për gjithçka ndodhi për dy orë me radhë në selinë e demokratëve, ku shkatërrimi është i madh.
Protesta nisi para orës 11:00 duke tentuar futjen në brendësi të godinës nëpërmjet përdorimit të mjeteve të rënda me qëllim thyerjen e dyerve.
Gjatë përplasjes për dy orë me radhë mes mbështetësve të Berishës që tentuan futjen në godinë dhe mbrojtësve të godinës u përdoren edhe mjete të forta, ndërsa pati edhe të lënduar nga të dyja anët.
