Nënkryetari i PD, Enkelejd Alibeaj, për të cilin kanë qarkulluar lajme se mund të vritej në protestë, ka postuar një video nga deklaratat e Sali Berishës, i cili ka thënë se “asnjë xham nuk është thyer”, ndërkohë pamjet tregojnë krejt të kundërtën.
Alibeaj thotë se Sali Berisha orkestroi dhe udhëhoqi një sulm kriminal mbi Partinë Demokratike.
“Demokratët, shqiptarët dhe bota mbarë e pa se si Sali Berisha orkestroi dhe udhëhoqi një sulm kriminal mbi Partinë Demokratike për ta shndërruar atë në një bunker për hallin e tij personal. Ky sulm i turpshëm do të mbahet mend si dita e tij e fundit në politikë dhe si fillimi i një kapitulli të ri për Partinë Demokratike, të çliruar nga hijet e të shkuarës, nga dhuna dhe mentaliteti komunist”, shkruan Alibeaj.
