LIGJET E BIZNESIT
Ashtu siç pritej, Prokuroria ka mbajtur qëndrim tolerant ndaj 34 të arrestuarve nga policia për protestën e 8 janar dhe që janë mbështetës të të dyja palëve në PD.
Ndaj dhjetë të ndaluarve prokuroria është tërhequr nga akuza e shkeljes së rregullave mbi lëndët plasëse duke nënvizuar dëshmitë e tyre qe deklarojnë se kishin shishe me ujë dhe i flakën e që gjithashtu këmbëngulin se ishin brenda PD mbasi u thirrën për mbledhje nga lideri i tyre.
Duke u qëndruar vetëm katër akuzave ndaj te 34 te prangosurëve, prokurori i çështjes, Elio Mazreku i kërkon gjykatës që të vendosë 29 masa detyrimi me paraqitje dhe për pesë prej tyre arrest shtëpiak. Masat më të rënda janë ndaj shtetasit Sokol Krasniqi për te cilin thuhet se ka patur me herët precedentë penale, Xhevahir Georgev, i depërtuar nga Belgjika, Hajredin Gjura, sepse kreu veprime të dhunshme ndaj policisë dhe u konstatua me shkopinj në duar, Dyleman Marku sepse nga kamerat shfaqet duke hyrë dhunshëm brenda selisë dhe Denis Luku, sepse shfaqet ne kamera me levë në duar.
Ky i fundit fillimisht sipas materialit rezulton se ka mohuar te ngjante me personin ne kamera, por me pas ka shtuar “ne rast se kam qenë unë, levën e gjeta aty dhe desha të hyj paqësisht brenda por duke qenë se dera ishte e mbyllur përdora sende për ta hapur”. Të gjithë ata për të cilët akuza kërkon arrest shtëpiak janë mes tubuesve që u thërriten për tu bashkuar në shtëpinë e lirisë nga grupi i rithemelimit
Prokuroria thotë ne materialin e dorëzuar gjykatës se policia ishte vënë ne lëvizje dy ditë para protestës ne datën 6 janar kur në komisariatin digjital ishte përcjellë një raportim anonim për persona të dyshimtë brenda PD dhe bashkangjitur nje fotografi. Por nga verifikimet e menjëhershme të seksionit të hetimit të krimeve është verifikuar vetëm identiteti i njërit prej tyre si dhe i sanitares së PD, përmendet më tej.
Informacionet e mëpasshme vërtetojnë se policia ka mbajtur nën mbikëqyrje në rrjetet sociale të dyja grupimet, ku grupi i rithemelimit ka njoftuar grumbullimin para PD, kurse më pas ne facebook janë konstatuar 10 persona duke luajtur me një instrument muzikor midis te cilëve Florenc Hoxha.
Në dosje theksohet se policia u vu ne dijeni nga policia lokale se qytetarë po udhëtonin ne drejtim te kryeqytetit nën dyshimet se do përfshiheshin ne veprime te dhunshme ndaj njëri tjetrit dhe selisë.
Sa i takon ndërhyrjes policore ne dosje nënvizohet se me gjithë planin e masave, ne datën 8 janar policia u njoftua për ndihmë nga një qytetar brenda PD ne orën 12.50. Ai tha se ndihej i kërcënuar, por mbas një njoftimi te dytë ne sallën operative ne orën 13 nga ana e deputetëve te PD, policia ka ndërhyrë menjëherë. Veç këqyrjes se kamerave, administrimit te sendeve dhe mjeteve qe dyshohet se u përdorën për hapjen e dyerve te blinduara, policia shton se ka pyetur 16 persona mes tyre edhe sekretarin e përgjithshëm të PD, Gazmend Bardhi.tch
