Viti i Ri 2022 ka ardhur me ndryshime në selinë e Partisë Demokratike.

Siç shihet edhe nga pamjet e mëposhtme, dera e hyrjes kryesore dhe xhamat janë veshur sot me letër ngjitëse me logon dhe simbolet e partisë.

Kujtojmë se lëvizjet në këtë godinë vinë vetëm dy ditë përpara skadimit të afatit të ultimatumit që Sali Berisha i vendosi Lulzim Bashës për t’u larguar nga godina deri në datë 5 janar, në të kundërt, ish-kryeministri paralajmëroi se “do ta largojmë butësisht” në protestën e datës 8 Janar.

Kryedemokrati e ka injoruar ultimatumin, por ka theksuar se PD zyrtare, i ka “gati të gjithë skenarët”. Dy palët pas Kuvendeve të 11 dhe 18 Dhjetorit s’e njohin njëra tjetrën dhe tashmë beteja është zhvendosur te përdorimi i forcës dhe gjykata.