“Berisha i njëjtë me Ramën e 21 janarit” Pas kaosit të krijuar, Partia Demokratike del me deklaratë zyrtare

Partia Demokratike ka dalë me deklaratë zyrtare, pas dhunës dhe situatës së tensionuar që vijon në këto momente në selinë blu.

Në njoftim thuhet se ish-kryeministri Sali Berisha është i njëjtë me Edi Ramën e 21 janarit, duke kërkuar që të marrë me dhunë PD.

“Ka një lajm të mirë në këtë fatkeqësi për Sali Berishën: Ai është i braktisur nga demokratët. Janë më pak se 800 mercenarë në oborrin e PD, që ushtrojnë dhunë në këtë përpjekje të turpshme kundër demokratëve”thuhet ndër të tjera.

DEKLARATA E PLOTE

Për të ardhur keq ku përfundoi Sali Berisha, i njëjtë me Edi Ramën e 21 Janarit! Me një grusht njerëzish kërkon të marrë me dhunë Partinë Demokratike për ta kthyer në një bunker, ku të strehojë veten dhe familjen kundër interesit të demokratëve dhe të shqiptarëve!

Ka një lajm të mirë në këtë fatkeqësi për Sali Berishën: Ai është i braktisur nga demokratët. Janë më pak se 800 mercenarë në oborrin e PD, që ushtrojnë dhunë në këtë përpjekje të turpshme kundër demokratëve.

Aktet e dhunës së sotme kundër Partisë Demokratike shënojnë izolimin final të Sali Berishës dhe largimin me turp nga skena politike.