Kreu demokrat Lulzim Basha ka mbajtur një deklaratë për media.
Ai tha se sot po bëhet bilanci i ditës tragjike të së djeshmes. Basha u shpreh se Sali Berisha gëzohet nga dhuna dhe situata e krijuar. Midis të tjerash kryedemokrati tha se nga rrënojat e krijuara do të dalë një PD më e fortë, ashtu sikurse e kanë ëndërruar themeluesit e saj.
“Sot është një ditë bilanci i të djeshmes tragjike dhe ndodhem këtu pa pushim me bashkëpuntorët e mi.
Nuk mund të ndaj asgjë tjetër me demokratët përvec se trishtimin e thellë për atë që ka ndodhur dje. Sot nuk është ditë për tu krenuar apo për të qeshur sic bëri ai (i referohet Berishës) që ishte pak më parë. Nuk është dita për të vallëzuar nën rrënojat që ska asgjë të përbashkët me demokracinë, por është një ditë, prova që janë para syve të të gjithë shqiptarëve.
Demokratët qëndruan fort për vlerat tona. Unë nuk mund të kem buzëqeshje, për fat të mirë nuk pati gjakderdhje, ashtu sic planifikonte Berisha me një grup kriminelësh.
Unë e di që eksitimi përballë kësaj skene eksitimi që nuk fshihte dje që e komandonte me dore dhunën, e ka shoqëruar edhe sot. Sic ka shoqëruar edhe Edi Ramën me skena si ata të Janarit, të dy kanë një gëzim, Berisha edhe pse dështoi të merrte e të përdorte demokratët nuk e fsheh eksitimin që i shkakton dhuna.
I dyti ishte përfitues i kësaj loje dhe sot e tregoi me daljen e tij. Objektivi im, pas një takimi të gjatë është diçka tjetër që nga këto rrënoja, të fillojmë të ringrejmë PD, ashtu sic e kanë ëndërruar theleuesit”tha Basha ndër të tjera.”
