“Banorët janë nxjerrë me forcë”- Drejtori i Policisë së Shtetit për ngjarjen te 5 Maji: Nuk ka patur…

Ndërsa po bënte një analizë të punës 1-vjeçare të policisë në Korçë, Drejtori i Përgjithshëm i Policisë së Shtetit, u pyet për atë se çfarë ndodhi sot tek “5 Maji”, ku u nxorën forcërisht  familjet, mes të cilëve kishte dhe fëmijë.

Nano tha se nuk është në dijeni të ndonjë ankese të tillë, por tha se nëse do të ketë, atëherë do të bëhet një hetim mbi rastin.

“Sot Policia e Shtetit ka qenë në mbështetje të një pune që po zhvillonte Inspektoriati për Mbrojtjen e Territorit në bashkinë e Tiranës.

Në dijeninë time deri tani, por edhe nga qëndrimet e institucioneve të tjera nuk nuk ka patur ndonjë ankesë. Por këto që thoni ju do të verifikohen dhe në rast se do të ketë shkelje në procedurat standarte të Policisë së Shtetit atëherë do të merren masat përkatëse administrative”, tha Nano.