“Autori doli nga makina dhe…” Një person humbi jetën dhe 4 u plagosën, zbardhet dinamika e vrasjes në “Don Bosko”

Dalin detaje të reja nga atentati në zonën e “Don Boskos” në Tiranë pasditen e sotme.

Ngjarja ndodhi në një lokal, ku shtetasi Erion Çela 35 vjeç u vra me armë zjarri dhe të plagosur mbetën edhe 4 persona të tjerë.

Dyshohet se njëri prej autorëve ka dalë nga makina tip “Benz” dhe në këmbë është drejtuar drejtuar në afërsi të tavolinës ku ndodhej viktima dhe të plagosurit e më pas ka lëshuar mbi ta një breshëri kallashnikovi.

Më pas, ai ka hipur sërish në makinë dhe me ndihmën e një personi tjetër është larguar me shpejtësi nga vendngjarja. Ndërkohë mësohet se njëri prej të plagosurve, i identifikuar si Azbi Selimaj 19 vjeç, dyshohet se ka qenë kamarieri i lokalit.

Ai ka qenë në krye të detyrës ku ka marrë një nga plumbat dhe ka mbetur i plagosur në shpatull.

Selimaj, ndodhet në spital, jashtë rrezikut për jetës, ndërsa vëllai i viktimës, Blerim Çela ka marrë dëmtime të shumta dhe gjendja e tij shëndetësore mbetet ende në rrezik, pasi mjekët kanë deklaruar se plumbat i kanë prekur organet jetësore.

VIKTIMA
Erion Çela 35 vjeç

TE PLAGOSURIT
Arben Dani 46 vjec
Azbi selimaj 19 vjec
Blerim Çela 28 vjec
Edmond Crroj 41 vjeç