LIGJET E BIZNESIT
Gazetari Artan Hoxha duke komentuar protestën në PD, tha se Enkelejd Alibeaj dhe kreu i PD Lulzim Basha janë marrë në mbrojtje nga garda.
“Një punonjës i 7 gardës kishte izoluar Enkelejd Alibeajn në një ambient tjetër. Garda i ka ofruar siguri maksimale Bashës. Iu dha garanci dhe u mor në ruajtje edhe Alibeaj. Unë nuk besoj se është deklarata e Spartak Brahos që tha se rrezikohet siguria e Enkelejd Alibeajt, por se është nënkryetar Kuvendi”, tha Artan Hoxha në emisionin “Log” në “Abc News”.
Telefonatën në polici sipas gazetarit e ka bërë Sekretari i Përgjithshëm i PD Gazment Bardhi.
“Policia e shtetit cakton një zyrtar i cili quhet pika e kontaktit që e njeh mirë dhe është në gjendje ta lexojë situatën. Personi i parë që ka kërkuar ndihmë ka qenë Bardhi. Ndihma është kërkuar që kur dera e brendshme ka filluar të dobësohet. Që në atë moment ka kërkuar ndihmë, mirëpo policia se shikonte dot se çfarë ndodhte brenda dhe se vlerësonte dot sa e rrezikshme ishte situata.
Policia është vonuar sepse nuk e shihte dot situatën, garda ishte në kat të dytë dhe se shihte po ashtu derën. Të vetmit persona të armatosur kanë qenë punonjësit e gardës. Unë po them të verifikuar. Ndërhyrja e policisë është bërë kur tokmaku shembi derën”, tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
