Aksident tragjik në Shkodër-Velipojë, makina del nga rruga dhe bie në kanal, ndërron jetë shoferi  

Një person ka humbur jetën sot në Shkodër, pasi mjeti me të cilin ai udhëtonte ka dalë nga rruga dhe rënë në një kanal. Dyshohet se shkak është bërë shpejtësia e lartë me të cilën lëvizte viktima.

Mjeti tip “Range Rover” ka qenë duke lëvizur në aksin Shkodër-Velipojë, kur ka dalë nga rruga dhe ka përfunduar në një kanal. Shoferi, identiteti i të cilit ende nuk bëhet me dije, fatkeqësisht ka humbur jetën në vend.

Policia ndodhet në vendin e ngjarjes dhe po kryen hetimet për zbardhjen e plotë të saj, si dhe për normalizimin e qarkullimit të mjeteve të tjera që përdorin këtë rrugë.