Aksident në Kamëz/ Motori del nga rruga dhe përplaset me shtyllën, ndërron jetë 30-vjeçari

Një aksident tragjik është shënuar sot në Kamëz rreth orës 13:35.

Mësohet  se si pasojë e daljes nga rruga të një motomjeti dhe përplasjes me shtyllën e tensionit, ka humbur jetën një 30-vjeçar.

30-vjeçari me inicialet E.K., ka ndërruar jetë menjëherë në vendngjarje. Grupi hetimor dhe policia po vijojnë punën për zbardhjen e rrethanave të aksidentit.

NJOFTIMI ZYRTAR I POLICISE

Më datë 04.01.2022, rreth orës 13:35, në Kamzë, në vendin e quajtur “Tre fushat”, shtetasi E. K., rreth 30 vjeç, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga duke u përplasur me një shtyllë tensioni.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Si pasojë e përplasjes, shtetasi E. K., ka humbur jetën në vendngjarje.

Grupi hetimor ndodhet në vendngjarje dhe po punon për sqarimin e rrethanave të aksidentit.