Aksident i rëndë në Sarandë, vajza 5 vjeçe dhe e ëma përfundojnë në spital

Një familje është aksidentuar në ditën e dytë të viti të ri në Sarandë. Policia bën me dije se në afërsi të Xarrës një 40 vjeçar ka humbur drejtimin e makinës duke dalë nga rruga. Të lënduara kanë mbetur gruaja e tij dhe vajza 5 vjeçe të cilat ndodhen në spital.

“Më datë 02.01.2022, rreth orës 21:05, në afërsi të Xarrës, shtetasi K.A., 40 vjeç, duke drejtuar automjetin tip “Opel”, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë janë dëmtuar lehtë bashkëshortja shtetasja L.A.,37 vjeçe, dhe vajza 5 vjece, të cilët ndodhen nën kujdesin e mjekëve, jashtë rrezikut për jetën”.

Grupi hetimor po punon për zbardhjen e plotë të rrethanave të aksidentit.