Aksident fatal në Greqi, humb jetën i riu shqiptar (VIDEO)

Një ngjarje e rëndë ka ndodhur në Greqi. Një aksident me makinë i ka marrë jetën një  të riu shqiptar.

Mësohet se aksidenti ka ndodhur në Imathi në rrugën mes Meliki–Vergina teksa i riu që ka humbur jetën është nga Korça. Të plagosur kanë mbetur edhe 2 shokët e tij që ishin me të në makinë.

Shkak i aksidentit dyshohet se ka qenë dalja nga rruga e mjetit me të cilin lëviznin, duke bërë që makina të përfundonte në një fushë. Sikurse shihet nga pamjet, makina është shkatërruar plotësisht.

Në vendin e ngjarjes kanë mbërritur forcat e policisë të cilat po punojnë për zbardhjen e rrethanave të aksidentit.